50
1
1
等级4
151
0
2023-07-30 950 浏览
質素依然!嗜牛朋友必食!今晚同幾個舊同事敘舊,因為大家都係手魔王,所以專登揀咗食牛好出名嘅616😍🔆信州和牛局胛🔆信州和牛胸肉🔆滑尾龍🔆濃汁香菇貢丸🔆加拿大艾伯塔嫩池板🔆黃喉🔆雙拼牛肉餃🔆手打墨魚滑因為有唔食辣嘅朋友,所以就揀咗個鴛鴦冬瓜麻辣鍋🥘。冬瓜湯好清甜,而且湯料十足👍🏽,而麻辣湯辣度大概係5小😆,灼一灼炸魚皮做餐前小食好正!第一樣食嘅梗係日本出名嘅和牛啦!信州和牛系列有好幾款,我哋今次就揀咗牛胸肉同埋牛肩胛🐮牛胸肉油脂睇落比較多,而且比較厚身,但係口感比想像中爽滑,唔會成口肥膏嘅感覺。亦因為𠳔比較厚,就算用麻辣湯灼都唔會比辣味搶過牛味!一流!👍🏽牛肩胛都唔遜色!雪花分佈平均,質地軟熟,勁juicy,牛味較濃!正!而幾乎每次去我都必食嘅滑尾龍,水準依然!雖然呢款脂肪比例比較少,唔係滿佈雪花嘅肥牛,但係配埋蛋漿烚,口感都好細滑🤤除咗牛之外,616都不乏其他食物同小食選擇。打邊爐又點少得丸呢😆!當中濃汁香菇貢丸令我好難忘!真係名符其實濃郁多汁,而且可以密集地咬到一粒粒香菇,絕對真材實料!🤩除咗食物,打邊爐醬汁都好重要!𠳔哋嘅自助調味區選擇都好多。而當中我最欣賞就係𠳔哋嘅秘製牛肉汁,好
更多
質素依然!嗜牛朋友必食!

今晚同幾個舊同事敘舊,因為大家都係手魔王,所以專登揀咗食牛好出名嘅616😍

🔆信州和牛局胛
🔆信州和牛胸肉
🔆滑尾龍
🔆濃汁香菇貢丸
🔆加拿大艾伯塔嫩池板
🔆黃喉
🔆雙拼牛肉餃
🔆手打墨魚滑

因為有唔食辣嘅朋友,所以就揀咗個鴛鴦冬瓜麻辣鍋🥘。冬瓜湯好清甜,而且湯料十足👍🏽,而麻辣湯辣度大概係5小😆,灼一灼炸魚皮做餐前小食好正!

第一樣食嘅梗係日本出名嘅和牛啦!信州和牛系列有好幾款,我哋今次就揀咗牛胸肉同埋牛肩胛🐮

牛胸肉油脂睇落比較多,而且比較厚身,但係口感比想像中爽滑,唔會成口肥膏嘅感覺。亦因為𠳔比較厚,就算用麻辣湯灼都唔會比辣味搶過牛味!一流!👍🏽

牛肩胛都唔遜色!雪花分佈平均,質地軟熟,勁juicy,牛味較濃!正!

而幾乎每次去我都必食嘅滑尾龍,水準依然!雖然呢款脂肪比例比較少,唔係滿佈雪花嘅肥牛,但係配埋蛋漿烚,口感都好細滑🤤

除咗牛之外,616都不乏其他食物同小食選擇。
打邊爐又點少得丸呢😆!當中濃汁香菇貢丸令我好難忘!真係名符其實濃郁多汁,而且可以密集地咬到一粒粒香菇,絕對真材實料!🤩

除咗食物,打邊爐醬汁都好重要!𠳔哋嘅自助調味區選擇都好多。而當中我最欣賞就係𠳔哋嘅秘製牛肉汁,好清甜,配以淡味嘅食材,唔單止可以提鮮,仲可以減低打邊爐嘅油膩感😄

另外要提一提店員嘅服務,非常細心,收碟快,仲經常主動幫我哋加湯!讚!❤️

❣️ 616牛肉火鍋專門店 (麗群閣) (長沙灣) ❣️
長沙灣青山道438號麗群閣地下1-4號舖

24 浏览
1 赞好
0 留言
15 浏览
0 赞好
0 留言
15 浏览
0 赞好
0 留言
24 浏览
0 赞好
0 留言
12 浏览
0 赞好
0 留言
13 浏览
0 赞好
0 留言
18 浏览
0 赞好
0 留言
14 浏览
0 赞好
0 留言
35 浏览
0 赞好
0 留言
237 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食
用餐时段
晚餐