新味道 (已結業)

今日突然行过将军澳，谂住揾间茶餐厅食个午餐，点知一食有惊喜，呢度位置算太大，但系服务员点餐同上餐速度10分快，今日叫咗个沙嗲肥牛通粉，同埋餐肉炒蛋，讲吓个沙嗲先，味道好浓郁 同出面食开既真系无得比！唔好睇好似好简单咁，要整得好食真系考功夫，完全比得上旧式茶餐厅𠮶种风味，炒蛋都好好食 唔会太熟太老！杯热奶茶真系要赞一赞佢，茶香浓滑，我饮完都忍唔住买咗杯外卖俾屋企人试下，连佢哋都大赞！呢间茶餐厅算系比较新式，地方干净，食物不错，价钱$40左右包涷饮有交易，见隔离枱食个碟头饭都赞不绝口，下次有机会都想黎试埋佢！