稻成 (新城市廣場一期)

营业中

休息中

星期六中午12:30，订咗枱，见到餐厅内得一半有人坐，室内装修精致💖， 服务员畀咗一个独立半开放房间畀我哋 ，又很热情招待，主动替我们拍照。 因临近中秋节做节时段，经理话单嗌的菜色餐牌系会加咗价💰，套餐就维持之前嘅价钱 ， 平时冇嚟开食，所以系咪真 就无从稽考喇 ~我们点咗一个八人套餐，七个大人一个小朋友， 食到超饱，份量真系好足，如果八个都系大人(正常食量)都够哂饱。个餐有夫妻肺片，鸡丝粉皮，上海熏比目鱼 ，酒糟醉鸡，鸡煲金勾翅，黄金虾球配南瓜芦笋锅巴，酸菜大龙趸，片皮鸭一只， 金华火腿丝奶油津白， 八件小笼包， 鲜肉煎锅贴， 香蕉豆沙锅饼，😋 最出色应该系个黄金虾球同埋个夫妻肺片， 虾球弹牙同埋外层嘅咸蛋黄都好好味，夫妻肺片辣得嚟都好香和入味，唔系得个死辣， 其他菜色质素ok👍， 侍应生中途会主动帮你加茶加水换碟等等， 埋单总共食咗$ 4500多， 人均消费大约570蚊， 去食 lunch buffet 也可以了。🤔 其实如果唔系做节，应该唔会拣套餐，可能cp值会高D😳。