影片
更多
2013-11-20
587 浏览
我不嬲都好钟意食海鲜，但我食米唔知米价，怕会俾人呃，所以都比较少食。今日行元朗，见个名好似好有霸气，就入黎试试。因为我唔食辣所以无叫招牌辣蟹。落单既时候，觉得侍应们系唔贵唔介绍，我地叫黄金虾，跟住有个男人行埋黎叫我地试第二种虾，新鲜啲，黄金虾用雪藏虾咋，你要推介都唔驶踩另一款𩠌挂，我地话唔驶喇，佢就黑面行开左。胡椒花蛤汤一上枱净系见到萝卜，完全无花蛤，于是捞下啦，捞左5、6只花蛤都系得个壳，真系嬲到想投诉。食到最后花蛤壳系有接近廿只，但肉我地就食到十粒姐，所以怀疑佢地系重用的壳黎呃人。右边无掟无肉既既捞到7、8只。讲番味道先，花蛤系大只好味，个汤都好重胡椒味，好香。黄金虾如果餐厅有我一定会叫黎食，因为好钟意食咸蛋黄。呢度用大虾，好似有体面啲，但系其实大虾都唔适合整黄金虾，因为个壳太硬，好难连壳食，咁就无左黄金虾既精粹。同埋佢啲蛋黄好浅色，唔够黄，好似甩色咁，成碟𩠌失色不少。最好味系垫底既白色脆脆蒜蓉粉丝蒸蛏子王呢个又系必食，因为粉丝会吸左蛏子既鲜味，令人回味无穷。佢蛏子系够大只，但汁唔够，粉丝又无煮过咁，硬到一块块，食妈咪面咁。泿费左只蛏子。腊味炒介兰以为普通小菜应该正常，点知大错特错
今日行元朗，见个名好似好有霸气，就入黎试试。
因为我唔食辣所以无叫招牌辣蟹。落单既时候，觉得侍应们系唔贵唔介绍，我地叫黄金虾，跟住有个男人行埋黎叫我地试第二种虾，新鲜啲，黄金虾用雪藏虾咋，你要推介都唔驶踩另一款𩠌挂，我地话唔驶喇，佢就黑面行开左。
胡椒花蛤汤一上枱净系见到萝卜，完全无花蛤，于是捞下啦，捞左5、6只花蛤都系得个壳，真系嬲到想投诉。食到最后花蛤壳系有接近廿只，但肉我地就食到十粒姐，所以怀疑佢地系重用的壳黎呃人。右边无掟无肉既既捞到7、8只。讲番味道先，花蛤系大只好味，个汤都好重胡椒味，好香。
黄金虾如果餐厅有我一定会叫黎食，因为好钟意食咸蛋黄。呢度用大虾，好似有体面啲，但系其实大虾都唔适合整黄金虾，因为个壳太硬，好难连壳食，咁就无左黄金虾既精粹。同埋佢啲蛋黄好浅色，唔够黄，好似甩色咁，成碟𩠌失色不少。最好味系垫底既白色脆脆
蒜蓉粉丝蒸蛏子王呢个又系必食，因为粉丝会吸左蛏子既鲜味，令人回味无穷。佢蛏子系够大只，但汁唔够，粉丝又无煮过咁，硬到一块块，食妈咪面咁。泿费左只蛏子。
腊味炒介兰以为普通小菜应该正常，点知大错特错。首先部份芥兰系冰架，系岩岩雪柜拿出黎果只冰，其余热果啲都系就咁落获炒一炒，因为条条菜都硬到不得了。润肠平时我都钟意食，但佢既润肠一级难食，唔知佢用咩牌子，咬落去一PAT野，好难受。
题外话/补充资料：
可能佢系做熟客生意，见到熟客就四万咁口，热情招待，其他生客就当睇你唔到，丁点笑容都无。不过星期日食饭时间佢都系得个五、六枱客.......
(以上食记乃用户个人意见 , 并不代表OpenRice之观点。)
张贴
