越老仔 (已結業)

因為今日放假所以霎時衝動上咗西九龍搵嘢食,結果就揀中咗呢間社企的越南店舖!
入到舖頭後職員熱情地招待 ,介紹咗個飽肚的早餐, 因為原先我想入嚟食午餐,但職員話早餐可以做到十一點半所以就食多一個早餐作午餐。
之後我揀咗一個係番茄午餐肉配泰式豬扒湯檬粉 ,另外一個就係時菜炒蛋 配泰式雞扒湯檬粉。
早餐上枱原來份量都好大碟,仲有個餐包附送,及免費添飲咖啡或茶 。
職員仲好熱情地介紹新出咗個熱薑茶 結果我試咗一杯,果然好夠薑味,而食物質素亦都有水準 ,下次會再嚟幫襯。
同埋見到佢哋有一個外賣自取嘅 套餐都幾吸引, 我睇中咗個咖哩雞及咖哩牛腩配飯或蒜蓉包下次可以一試🥰