賽車手pizza 呢個係幾好食嘅！超拉絲芝士💕
係超薄底，但唔係脆嘅，軟pizza底
肉醬意粉一上枱🤣我就同舅父講，唔夠再嗌😅
因為好大個碟，好細個窿🤣
不過我哋2大2細，叫咗2個lunch set,加一個side dish ，再黎個甜品，其實好飽。
講返個意粉，佢係用幼少少意粉，我覺得好好食呀，肉醬嘅份量夠撈均成個意粉
麥拿侖朱古力跟餐加$20，其實係俾佢個名吸引，我覺得…其實可以唔加
但好飲嘅..都係為咗小朋友
1
賓利特飲即係fruit punch，個人覺得嗌黎係for打卡🤣
炸魚薯條個炸魚有鹽醃過，有啲鹹味。炸得幾脆
薯條要快食！因為凍咗，冧晒唔好食，會回油。
個魚柳醬都好食！有啲creamy感覺
南瓜湯大仔發現，用牛角包點南瓜湯係勁好食！🤣
牛角包佢哋會再用焗爐焗熱，幾好！鬆、脆、軟，都食到
美國yogurt cheesecake呢個我個人覺得抵食嘅！因為真係好好食！
初初想嗌tiramisu ，姐姐話幫我望下仲有冇，但冇又冇同我哋講返，我食完再追問先知冇晒，問我哋轉唔轉其他，大仔話想食cheesecake，所以好彩都有嗌！
環境分2part,室內比較細，冷氣會比較凍，建議帶外套。因為較細冷氣，廚會比較熱
坐岀面應該可以多少少人坐，岀面其實都唔會好曬，不過因為今日都熱，所以坐入面。
啲櫈都係跑車櫈，可以向後挨🤣個切記要小心
其他閒日就冇加一，星期六、日、如果假期就會加一。
