新雄記冰室 (已結業)

喺太古返咗幾年工 都會行落鰂魚涌食飯
但好少行到嚟呢邊 原來有咁多茶記冰室!
都幾多人!!見到’新雄’有枱即刻坐低😝
都好多選擇 即叫即整 好快上菜 熱辣辣 正!

➊ 乾炒叉燒烏冬
份量夠 一個女仔會食得哂 冇問題!
好有鑊氣味 調味亦都夠濃
不過食到最後個底有啲油

➋ 鮮茄豬扒(魚塊)飯
本來係點豬扒㗎咋🐷
但發現點解有一兩舊魚嘅🐟
Any肥 冇所謂 因為個汁都好好味!
重點係 又多茄 又多洋蔥 好足料
碟飯勁大碟啊!