ALRIGHT COFFEE (已結業)

我係一個好鍾意飲咖啡嘅人，但住喺元朗，想搵一間可以沖出好飲咖啡嘅Cafe真係唔多，喺社交平台嘅某群組上面見到有人大力推薦呢一間Cafe，我就喺元朗揸車入去錦綉花園試吓。- - - - - -呢間Cafe裝修簡約得來好舒服，有戶外同戶內嘅座椅可以選擇，出面對住錦綉花園嘅天鵝湖。同時間Cafe亦都喺錦綉花園市中心入面，地點位置一流。入到去Cafe入面，除左咖啡以外，仲有好多自家製嘅蛋糕，蛋糕每日都限量發售，而且好快賣晒，大家明點解啦👍🏻我個人亦十分欣賞店主選用嘅咖啡豆，大家不妨過嚟試吓。