麵館皇

上次夜晚 9:30 去到，竟然仲有八成客，人氣真係唔少。老婆嗌咗佢哋招牌藥膳湯底，湯味香噴噴但唔係嗰啲濃得嚇人嗰種，飲落暖胃得嚟又唔會太 heavy。:)

藤椒拌麵

因為之前已經試過藥膳湯底，所以我試咗應該係佢哋新推出嘅滕椒麻醬拌麵，口感幾有驚喜，叫咗一個中辣，鍾意佢麻中帶香，麵質彈牙，撈醬撈得好均勻，每啖都夠味。不過要注意嗰拌面都幾乾身，一定要叫埋嘢飲。

秘製麻辣口水雞

一齊 share 咗口水雞，肉質滑嫩，醬汁辣香平衡得唔錯；另一個朋友叫咗花雕醉雞，我覺得酒香還好，佢就話如果可以酒味再濃啲仲正。雞肉都滑嘅。基本上每張枱你都見到食客食雞肉。

整體感覺唔錯，選擇又多，深夜都仲坐得幾舒服，冇催趕。冷氣又夠凍呢下爽！