周街都係
呢個豬皮豬軟骨花椒重慶酸辣湯米線出咗成個月，終於有時間試新嘢。譚仔開到周街都係，但要搵嗰陣就搵唔到。我嘅訴求：上環開譚仔！
豬皮豬軟骨花椒重慶酸辣湯米線（三小辣）$44
重慶酸辣湯就食得多，但花椒重慶酸辣湯真係第一次食。我預期有花椒會重麻味，但好似同普通重慶酸辣湯冇乜分別。豬皮煮得唔錯，唔似橡筋。豬軟骨得3-4舊，但真心煮得唔錯，似預先炆腍咗放喺面～一啲都唔鞋口、唔痴牙！同埋唔知係店舖差異定係新品special，啲米線超多，係平時嘅double。三小辣食落個口冇乜嘢，但成個人已經㷫烚烚🥲好廢，要練返食辣
