稻香 (蔚景園)

营业中

休息中

依家做中式酒樓，點都要有啲特價或者優惠吸引客人，稻香最近做緊一個晚飯優惠，即刻試試佢。晚飯套餐包兩味餸兩盅燉湯一個油鹽煲仔飯：燒鵝三品盤呢碟份量好少，燒鵝皮唔脆，白切雞就不過不失，反而醃蘿蔔辣辣地幾好味。蘿蔔牛腩煲調味唔錯，牛腩都算腍，亦都有唔少牛筋，蘿蔔都炆到幾入味燉湯聽阿姐講材料有茶樹菇，另外我都見到有啲乾瑤柱。個湯好鮮味，份量亦唔少。油鹽煲仔飯煲飯上枱會配埋一碟豬油同蔥，要趁熱撈落啲飯度再焗一焗。出嚟效果唔錯，啲飯有咬口又夠香，成餐飯最好食就係呢個煲仔飯！最後埋單$190有找，都算抵食。