影片
更多
2025-07-15
709 浏览
介紹返💁🏻♀️。。🇭🇰 港式西餐廳 在佐敦 🇭🇰。牛屋餐廳 Santgria Kitchen 。吳松街143號地舖。招牌法式焗田螺 French Baked Escargots。HKD68 + 10% @ 6pcs德國咸豬手配蜜糖芥末汁Crispy German Pork Knuckle w/ Honey Mustard Sauce。HKD238 + 10%香煎比目魚扒配原隻大蝦Seared Sole & Tiger Prawn w/ Unagi Sauce。HKD198 + 10%🤫 難得腳仔尋晚早放工..話決定帶我出去佐敦一間佢社交平台碌到嘅舊式西餐廳撐吓枱腳👩🏻❤️💋👨🏻拍吓拖仔～🤫 講緊嘅就係呢間位於佐敦吳松街中間一個唔係好顯眼嘅位置..細細一間嘅港式西餐廳..個名叫做牛屋🐮🤫 牛屋唔係大舖頭..座位密密地都幾有氣氛..高峰期坐滿可以招呼到廿零個食客..微黃嘅燈光配深色系嘅枱凳..仲有牆身一係列老派裝飾物..整個裝修設計充滿時日嘅痕跡⏳即刻有種回到八九十年代..細細個父母親大人帶我哋出去食大餐嘅味道🫶🏻🤫 雖然間餐廳叫做牛屋..但係抽起條筋兩個人仔都唔想食牛🤪最後飯腳仔要咗
。
。
🇭🇰 港式西餐廳 在佐敦 🇭🇰
。牛屋餐廳 Santgria Kitchen
。吳松街143號地舖
。
招牌法式焗田螺 French Baked Escargots
。HKD68 + 10% @ 6pcs
德國咸豬手配蜜糖芥末汁
Crispy German Pork Knuckle w/ Honey Mustard Sauce
。HKD238 + 10%
香煎比目魚扒配原隻大蝦
Seared Sole & Tiger Prawn w/ Unagi Sauce
。HKD198 + 10%
🤫 難得腳仔尋晚早放工..話決定帶我出去佐敦一間佢社交平台碌到嘅舊式西餐廳撐吓枱腳👩🏻❤️💋👨🏻拍吓拖仔～
🤫 講緊嘅就係呢間位於佐敦吳松街中間一個唔係好顯眼嘅位置..細細一間嘅港式西餐廳..個名叫做牛屋🐮
🤫 牛屋唔係大舖頭..座位密密地都幾有氣氛..高峰期坐滿可以招呼到廿零個食客..微黃嘅燈光配深色系嘅枱凳..仲有牆身一係列老派裝飾物..整個裝修設計充滿時日嘅痕跡⏳即刻有種回到八九十年代..細細個父母親大人帶我哋出去食大餐嘅味道🫶🏻
🤫 雖然間餐廳叫做牛屋..但係抽起條筋兩個人仔都唔想食牛🤪最後飯腳仔要咗隻人頭咁大嘅德國鹹豬手配薯菜..而我就輕輕要咗個比目魚拼大蝦..外加一份我由細到大都好鍾意食嘅焗田螺🐚
🤫 套餐主食先嚟係一人一份餐湯跟麵包..麵包係細細個食到嘅嗰種甜餐包..而欣賞嘅位係餐包經過烘焗..仲已經直接幫我哋放咗大件牛油喺中間..簡簡單單嘅甜餐包做到外皮有少少脆口..入邊係熱辣辣又鬆軟而且滿滿嘅牛油香..真心估唔到餐包都令到我有驚喜👍🏻
🤫 餐湯方面..例牌港式西餐廳嘅紅湯白湯..紅湯都俾得幾多蔬菜🍅質地唔係好杰身嗰種但係味道就好香濃..酸酸咪咪又帶一股牛肉香味..相當開胃😋
🤫 白湯我哋就要咗酥皮嘅粟米忌廉湯..飯腳仔好鍾意佢哋個酥皮薄薄一層唔會太厚太漏..而且焗得好香脆..至於粟米忌廉湯就係正常貨色..係偏濃郁杰身嘅口感～
🤫 食物方面..令我最為驚喜嘅都莫過於係我平時都已經好鍾意食嘅焗法式田螺..田螺雖然唔係帶殼嗰種..但係一啖一粒唔需要撩嚟撩去搞一大壇先食到..其實都有好處👌🏻至於田螺底下嘅薯蓉係另外一個精要所在..薯蓉吸收咗田螺嘅精華..仲有蒜蓉牛油同埋煙肉各種嘅香味配料..食到第一次食焗田螺嘅飯腳仔舔舔脷..直頭同我搶食🤣
🤫 「香煎比目魚扒配原隻大蝦」比目魚扒都幾大件嘅..外皮煎得香脆但唔油膩..而且比目魚本身魚肉比較滑溜大家都知㗎啦..所以整個口感係相當唔錯嘅✅然後隻大蝦相當好味..廚師將大蝦煎得好香而且肉質算係幾彈牙..配埋薯條沙律..成件事唔會話太Heavy但係又夠飽..完全滿足到我口腹之欲
🤫 「德國咸豬手配蜜糖芥末汁」上枱嘅時候都有些少嚇窒咗我哋兩個人仔..嗰隻鹹豬手大隻到可以完全遮住咗腳仔個人頭🤪而且鹹豬手嘅皮相當之香脆..又估唔到入邊嘅肉係幾幼嫩同埋鹹香相當之入味..唯一就係個蜜糖芥末汁我哋略嫌係甜咗些少..不過隻豬手就算唔點醬汁食都好唔錯..雖然成個口味都好啱我哋心水..但係豬手實在太大..兩個人食係唔會食得晒..相當適合三五知己開心Share🤗
🤫 最後跟餐仲有一人一杯嘢飲..我哋就梗係要杯凍檸茶爽吓啦..老實平時飲茶記凍檸茶嗰啲我哋都冇太大反應..但係今次腳仔一反常態表示好滿意💯佢話飲得到嗰種茶香再加上新鮮檸檬嘅些少澀味..絕對唔係一般餐廳飲到嘅港式凍檸茶..係一杯好高質嘅凍檸茶🍹
🤫 貼心提示一下..我哋星期一晚過嚟食..係咁嘅時勢竟然都要等位..想過嚟試吓真正舊式西餐廳嘅朋友仔Book定位穩陣啲💁🏻♀️
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
张贴
