小皇國甜品 (已結業)

本来想去五代同糖，太耐冇喺旺角食糖水嘅关系连佢执咗都唔知，朋友就带我嚟咗呢间黄店，睇menu 个个都好吸引，最后拣咗个益力多达人，嚟到个卖相都唔错，面一层太多嘢，冇办法落个益力多住，就食咗个云尼拿雪糕先，伏到呕⋯泥胶味，算！可能系我唔识欣赏，转食菠萝⋯超级酸！算！可能系罐头菠萝冇拣过，雪糕食到一半真系顶唔顺，先谂起有练奶系到，淋上去之后，真系好食好多，全部变哂练奶味，练奶嘅作用原来系咁，食到咁上下终于到主角益力多刨冰，由于冇及时落，啲冰痴哂一齐，咁就照落等佢溶溶地先再食啦，食咗啖真系想讲粗口，益力多并唔系大家市面上个种益力多，满怀期待嘅益力多只系活乳酸菌味，其实算唔算系违反商业说明条例呢！？最后未食哂已经走咗。