影片
更多
2024-01-05
52 浏览
介绍返💁🏻♀️。。🇹🇭 泰菜 在铜锣湾 🇹🇭。Milu Thai มิลู่ไทย。百乐中心2楼。柚子鲜虾沙律Grapefruit Salad With Prawn。HKD98 + 10%炸虾饼 Deep Fried Shrimp Cake。HKD88 + 10% 蒜蓉牛油鸡翼 Garlic Butter Chicken Wings。HKD88 + 10%香煎薄饼 Pancake。HKD48 + 10%咖哩三重奏 配 蒜蓉包粒Jumbo Curry with Garlic Bread。HKD218 + 10%大头虾冬荫公汤 Tom Yum Kung Soup。HKD128 + 10% @ Small。HKD198 + 10% @ Large青柠梳打 Lime Soda。HKD34 + 10%🤫 寻晚Happy Thursday🫶🏻约咗阿芝出嚟同佢食生日饭..今次拣嘅系前排成日都见到Foodie朋友仔去帮衬..位于铜锣湾最多嘢食𠮶幢百乐中心嘅Milu～话说寻晚食七点钟..全个场都已经九成满座..好在我记得Book位啫..如果唔系Walk In分分钟冇得食🫠🤫 咁呢餐系Belated Birt
。
。
🇹🇭 泰菜 在铜锣湾 🇹🇭
。Milu Thai มิลู่ไทย
。百乐中心2楼
。
柚子鲜虾沙律
Grapefruit Salad With Prawn
。HKD98 + 10%
炸虾饼 Deep Fried Shrimp Cake
。HKD88 + 10%
蒜蓉牛油鸡翼 Garlic Butter Chicken Wings
。HKD88 + 10%
香煎薄饼 Pancake
。HKD48 + 10%
咖哩三重奏 配 蒜蓉包粒
Jumbo Curry with Garlic Bread
。HKD218 + 10%
大头虾冬荫公汤 Tom Yum Kung Soup
。HKD128 + 10% @ Small
。HKD198 + 10% @ Large
青柠梳打 Lime Soda
。HKD34 + 10%
🤫 寻晚Happy Thursday🫶🏻约咗阿芝出嚟同佢食生日饭..今次拣嘅系前排成日都见到Foodie朋友仔去帮衬..位于铜锣湾最多嘢食𠮶幢百乐中心嘅Milu～话说寻晚食七点钟..全个场都已经九成满座..好在我记得Book位啫..如果唔系Walk In分分钟冇得食🫠
🤫 咁呢餐系Belated Birthday Treat梗系要食好啲食豪啲啦～两条友就已经叫咗四个小食一个主食同一份冬阴功🇹🇭嘢食上菜速度都非常之快..吹两句水饮两啖青柠梳打就已经嚟齐晒
🤫 嘢食里边我最推荐大家叫咖喱三重奏..有齐晒唔同辣度嘅三种咖喱..分别系椰味香浓嘅黄咖喱..些少辣相当惹味嘅红咖喱同埋刺激味蕾嘅绿咖喱..而且唔同嘅咖喱配唔同嘅海鲜别有一番韵味..黄咖喱有香脆但系偏厚粉嘅炸鱼柳..虽然粉浆偏厚但系好处系更加容易朔晒啲咖喱汁..另外仲有两粒帆立贝..而红咖喱就有几只青口几只中虾同埋鲜鱿..海鲜们都非常之爽口味美..至于绿咖喱主要就系有一只一分为二嘅软壳蟹..同样系炸粉偏厚相当朔汁..为咗更加享受三种唔同嘅咖喱汁我哋嗌咗一份食咖喱必叫嘅薄饼..𠮶份薄饼劲脆口干身而且唔油腻..同咖喱汁简直系Perfect Match👍🏻哎～差啲唔记得..其实咖喱三重奏跟机都有蒜蓉包粒粒🤭Dip咖喱汁食一样咁爽皮～
🤫 阿芝呢个寿星女就最欣赏Milu嘅蒜蓉牛油鸡翼..鸡翼只只有返咁上下Size..蒜蓉味劲香而且肉质非常滑溜..配埋满满嘅炸蒜..惹味又热气🤭即刻饮番啖青柠梳打先唔系讲笑
🤫 另外一样食亲泰国菜都一定会叫嘅小食就系炸虾饼..Milu嘅虾饼都几抵食..大大份咁样..而且个虾胶非常之弹牙..食得相当过瘾～
🤫 然后阿芝点名话一定要叫叶无柚子鲜虾沙律亦都相当唔错..其实我之前一路都对泰式沙律冇乜兴趣..因为总系觉得连沙律都辣真系搞唔掂🤣今次食过之后发现原来同我想像嘅有啲唔同..呢度份沙律嘅柚子非常之甜完全冇苦涩味..而且唔捞匀啲汁嘅话我都唔觉得话好辣..鲜虾都几爽口..沙律入边仲有洋葱同腰果等等..口感丰富..下次食泰国菜我都会考虑叫呢个沙律试吓～
🤫 最后就系要讲吓呢个大头虾冬阴功..真系不得了..钟意食辣嘅人必叫..佢嘅酸辣十足泰国食到𠮶啲咁厉害..真系超级香浓..对于我呢啲唔食得辣嘅人嚟讲真系又爱又恨..一边饮一边叫辣但系又继续饮..而且𠮶只大头虾非常之好肉地..成件事非常好
🤫 其实今次系我第二次帮衬Milu㗎啦..之前𠮶次都已经系好几年前嘅事..当时印象都几深刻..记得都几好味嘅..奈何香港饮食业何其发达..好快就已经有新欢就忘记咗旧爱..直至到近排又见到大家提起Milu😋我就急不及待带阿芝过嚟庆祝生日嘞..阿芝对呢一餐生日饭都非常之满意🎈恭喜恭喜
。。
翻兜指数：🙆🏻♀🙆🏻♀️️🙆🏻♀️ （5个🙆🏻♀️为翻兜爆灯）
💮已翻兜次数：2次💮
。。
张贴
