影片
更多
2023-12-18
2132 浏览
介绍返💁🏻♀️。。🇭🇰 一盅两件 在观塘 🇭🇰。龙点心 Lung Dim Sum。Eastcore1楼4号舖。港原味烧卖拼盘粟米肉粒烧卖。芫荽马蹄烧卖 。蚬蚧鱼肉烧卖。沙嗲牛颈脊烧卖。怀旧烧卖。梅菜扣肉烧卖。HKD68 + 10%咸蛋黄墨鱼烧卖。HKD42 + 10% @ 3pcs龙芋酥。HKD42 + 10% @ 3pcs烟肉萝卜糕。HKD32 + 10% @ 3pcs大澳虾酱鲜鱿卷。HKD58 + 10%茶位。HKD10🤫 近排隔个礼拜就要过去观塘𠮶度同设计公司倾饭脚仔屋企装修嘅事宜..两口子变相经常都会喺观塘徘徊..然后以食为生活方针嘅本人为咗喺繁忙与沈重嘅meetings中间寻求一啲乐趣..我决定开拓观塘区美食研究报告🤪🤫 打头阵嘅有呢一间装修好有特色嘢食都好有特色嘅龙点心～我都唔知好唔好叫佢做酒楼😏因为佢系卖紧传统酒楼饮茶嘅美食..但系嘢食又加添咗好多香港特色..然后装修设计一啲都唔似旧式传统酒楼..舖头外边有好可爱嘅龙师傅同龙仔Figures..而入边系用咗好Colourful嘅彩绿色拼鲜橙色嚟做主色调..座位都算好多而且好多打卡靓位🤫 我哋被安排坐喺窗边嘅二人卡位..QR
。
。
🇭🇰 一盅两件 在观塘 🇭🇰
。龙点心 Lung Dim Sum
。Eastcore1楼4号舖
。
港原味烧卖拼盘
粟米肉粒烧卖。芫荽马蹄烧卖 。蚬蚧鱼肉烧卖。
沙嗲牛颈脊烧卖。怀旧烧卖。梅菜扣肉烧卖
。HKD68 + 10%
咸蛋黄墨鱼烧卖
。HKD42 + 10% @ 3pcs
龙芋酥
。HKD42 + 10% @ 3pcs
烟肉萝卜糕
。HKD32 + 10% @ 3pcs
大澳虾酱鲜鱿卷
。HKD58 + 10%
茶位
。HKD10
🤫 近排隔个礼拜就要过去观塘𠮶度同设计公司倾饭脚仔屋企装修嘅事宜..两口子变相经常都会喺观塘徘徊..然后以食为生活方针嘅本人为咗喺繁忙与沈重嘅meetings中间寻求一啲乐趣..我决定开拓观塘区美食研究报告🤪
🤫 打头阵嘅有呢一间装修好有特色嘢食都好有特色嘅龙点心～我都唔知好唔好叫佢做酒楼😏因为佢系卖紧传统酒楼饮茶嘅美食..但系嘢食又加添咗好多香港特色..然后装修设计一啲都唔似旧式传统酒楼..舖头外边有好可爱嘅龙师傅同龙仔Figures..而入边系用咗好Colourful嘅彩绿色拼鲜橙色嚟做主色调..座位都算好多而且好多打卡靓位
🤫 我哋被安排坐喺窗边嘅二人卡位..QR Code落单..但系For老人家嘅话都可以用返普通点心纸..感觉服务都几贴心..Any肥饭脚仔嚟到之前我已经叫晒嘢食影晒沙龙🤣等佢一坐低就有得食～
🤫 Menu第一样吸引到我嘅就系龙点心嘅招牌港原味烧卖拼盘..呢个拼盘一份有六粒烧卖..只只唔同味..而最过瘾仲要系唔同颜色㗎..六粒烧卖里便我最欣赏嘅系芫荽马蹄烧卖..芫荽味好香再加上爽口嘅马蹄粒粒弹牙嘅猪肉虾肉..成件事原来系好衬个㖞🤟🏻
🤫 咁怀旧烧卖同粟米肉粒烧卖感觉都系比较似平时食开𠮶啲烧卖..怀旧烧卖够大粒虾肉够多..一啖食超满足..而粟米肉粒烧卖就On Top加多咗层粟米嘅甜味同埋口感..饭脚表示满意
🤫 钟意试特别嘢嘅一定要食吓沙嗲牛颈脊烧卖.. 梅菜扣肉烧卖同埋蚬蚧鱼肉烧卖..沙嗲牛颈脊烧卖其实系干蒸牛肉嚟㗎..一小片嘅沙嗲滑牛放喺干蒸牛肉上边..一啖咬落去𠮶一浸沙嗲牛肉味劲出色..完全系Mix & Match～梅菜扣肉烧卖系你估唔到咬开之后真系有片扣肉喺入边..再加上梅菜嘅香味..请问呢啲系咪叫做Fusion啊？然后蚬蚧鱼肉烧卖顾名思义佢系一粒鱼肉烧卖啦🤭而最特别嘅系佢入边有一个水囊..一咬开就会有蚬蚧鲮鱼球点𠮶只汁爆出嚟..好神奇啊😮
🤫 咁我嘅宝贝饭脚仔拣饮择食大家都知㗎啦..上边六粒烧卖剩系得粒怀旧烧卖同埋粟米肉粒烧卖系啱佢食嘅..为顾及佢嘅感受我都要叫返个咸蛋黄墨鱼烧卖俾佢叹吓..墨鱼滑包成嘅烧卖异常咁弹牙..咬开仲会爆咸蛋黄汁..饭脚仔食得好开心
🤫 咁嚟得饮茶冇理由净系食烧卖饱㗎嘛..我哋嗌咗三个热气嘢..第一个必推选择系大澳虾酱鲜鱿卷🤩呢个真系好味呀～佢其实系一个好似米网春卷咁样嘅嘢食嚟嘅..然后碟嘢一放上枱就已经闻到好香嘅虾酱味..咬落去仲有鲜鱿粒粒同虾胶葱段等等..口感相当多层次
🤫 然后烟肉萝卜糕亦都打破咗我对萝卜糕嘅传统概念..用一整条煎香晒嘅烟肉包裹住萝卜糕..面头再加些少美乃滋..香脆得嚟又非常之肥美..食肉兽一定要试吓😌
🤫 Last But Not Least就系好精美嘅龙芋酥..其实系有少少似炸脆咗嘅芋头糕嘅..一小块龙字咁样放入口成件事Elegant咗🤪咬开中间仲有劲足料嘅腊肠腊肉粒粒..话时话原来两个人食呢个份量嘅嘢系会食唔晒㗎🤪我哋最后加咗一蚊要咗个外卖盒打包返屋企..我决定下次带埋Daddy妈咪过嚟试吓先得～
。。
翻兜指数：🙆🏻♀🙆🏻♀️🙆🏻♀️️ （5个🙆🏻♀️为翻兜爆灯）
。。
张贴
