Deer Kitchen (The Wave) (已改名) 查看

之前去荃湾食过Deer Kitchen，见观塘The Wave原来都有分店，就约埋朋友放工一齐食饭倾吓偈聚一聚。观塘店都一样有$10生蚝优惠，可惜去到时唔够半打，所以食唔到喇。巴马臣火腿芝士脆片、蜜瓜。火腿同芝士脆片嘅咸、芝士脆片嘅香脆口感、再加埋蜜瓜嘅鲜甜，三者嘅味道好配合。黑松露意大利云吞。云吞比想像中大只，而且好强烈嘅黑松露味。忌廉汤汁够厚，可以挂到喺云吞，整体味道唔错。香煎北海道带子黄金蟹肉扁意粉一睇个名就知系咸蛋黄加蟹肉。可能因为咸蛋黄嘅关系，会觉得扁意粉有少少咸，不过非常之香。带子好大粒，面头煎到金黄香脆。焗威灵顿三文鱼将牛扒换成三文鱼，好似都系近年新兴嘅食法。整个焗威灵顿三文鱼焗得好好，三文鱼无过熟，仍然保持肉质嫩滑。玫瑰白桃梳打淡淡粉红色，配合埋玫瑰花花瓣碎，感觉有点lady。味道清香，都好好饮。海洋梳打一杯蓝色嘅特饮，所以会叫海洋梳打。柚子味同蓝桔配合梳打都几清新，配合红肉应该都唔错。