更多
2021-10-22
2624 浏览
最近升左职同事话要同我食餐晚餐庆贺🎉，经其他同事推介之后我地去左呢间位于湾仔QRE Plaza既西日式海鲜餐厅度食海鲜🐟 呢栋大厦其实有好多唔同类型既餐厅🍴，不过呢间海鲜餐厅我地就真系未曾试过😆.一出电梯就见到餐厅门口有几个大水缸养住生猛既龙虾🦞同螃蟹🦀，餐厅供应既海鲜菜式系揉合左西、日式制法，晚市除左单点之外仲有一个每位$288既精选套餐✨，有齐沙律 🥗、汤🥣、前菜🦪、主菜🍲同甜品🍮；以港岛区地段同菜式而言，呢个价钱都几合理🤔.店内环境令人感觉几舒适，台与台既间距唔会太贴近，配上轻音乐🎵作背景，气氛几适合同朋友/情人谈心🗣除左环境舒适之外，餐厅既服务员会时刻关注👀我地既需要同进食速度，每当我地食完一道菜式之后佢地就会埋黎帮我地换碟💁🏻♂️，前后三次都系唔同既服务员，可见呢度既服务亦同样优质👍🏻食完呢餐之后，我地一致认为餐厅各方面既质素可以话系区内出众之选，值得回头同推介俾朋友🤗******************************✨精选套餐 ($288) 🥢时令野菜沙律🥗虽然系套餐包既沙律，呢客蟹籽沙律份量相比其他餐厅来得大份，麻酱亦好足够唔会太多或太少，沙律菜亦算新鲜，味道正
最近升左职同事话要同我食餐晚餐庆贺🎉，经其他同事推介之后我地去左呢间位于湾仔QRE Plaza既西日式海鲜餐厅度食海鲜🐟 呢栋大厦其实有好多唔同类型既餐厅🍴，不过呢间海鲜餐厅我地就真系未曾试过😆.
一出电梯就见到餐厅门口有几个大水缸养住生猛既龙虾🦞同螃蟹🦀，餐厅供应既海鲜菜式系揉合左西、日式制法，晚市除左单点之外仲有一个每位$288既精选套餐✨，有齐沙律 🥗、汤🥣、前菜🦪、主菜🍲同甜品🍮；以港岛区地段同菜式而言，呢个价钱都几合理🤔
.
店内环境令人感觉几舒适，台与台既间距唔会太贴近，配上轻音乐🎵作背景，气氛几适合同朋友/情人谈心🗣
除左环境舒适之外，餐厅既服务员会时刻关注👀我地既需要同进食速度，每当我地食完一道菜式之后佢地就会埋黎帮我地换碟💁🏻♂️，前后三次都系唔同既服务员，可见呢度既服务亦同样优质👍🏻
食完呢餐之后，我地一致认为餐厅各方面既质素可以话系区内出众之选，值得回头同推介俾朋友🤗
******************************
✨精选套餐 ($288)
🥢时令野菜沙律🥗
虽然系套餐包既沙律，呢客蟹籽沙律份量相比其他餐厅来得大份，麻酱亦好足够唔会太多或太少，沙律菜亦算新鲜，味道正常👌🏻
-
🥢面豉汤🥣
味道清清地唔会令人觉得咸，有海带、娃娃菜同豆腐，汤料比一般日式餐厅饮到既更多👍🏻
-
🥢刺身三款 (前菜)
2选1既前菜有刺身同矶煮鲍鱼可以拣，由于刺身每款有两件，两人以上可以拣晒两款前菜完全唔洗争😆
呢日既刺身系甜虾、油甘鱼同三文鱼，3款望落都系晶莹有光泽🌟，未食就已经知道有几新鲜🤩
甜虾🦐味道甘甜，肉厚爽弹有黏口既感觉👄；油甘鱼🐟非常厚切，一片等于平时食到既两片，肉质软嫩带甘香；三文鱼🐟肥美而充满浓郁鱼鮨香气，一客刺身呈现出甜、鲜、香，高质程度足以令人回味无穷👅
-
🥢新鲜南非矶煮鲍鱼
南非鲍鱼口感软嫩，矶煮方式彻底将酱汁既甜味由外带到内，入味之余仲保留到鲍鱼既鲜味😋 而且餐厅亦好贴心咁将鲍鱼预先切件🔪，完全无需要客人落手🙆🏻♀️
-
🥢原只活龙虾焗饭🦞🍲 (+$120)
套餐既主菜可以拣活鲜蟹鲍鱼汁焗饭(两位起)🦀/寿司盛盒(6件)🍣/宝云酥羊架🐑，落单时服务员向我地介绍💁🏻♂️如果唔想食蟹既话可以加钱将活鲜蟹鲍鱼汁焗饭升级⬆️为原只活龙虾焗饭🦞，价钱按返龙虾时价同大小计算，介乎80至150蚊；所以当晚我地就将主菜改为龙虾焗饭，贪佢啖啖肉又容易食😈
焗饭以铸铁锅上桌🥘，可以持久地保持热辣辣♨️既状态，而家天气凉左黎食就最适合不过🤗
珍珠米颗粒分明，火候控制🔥得恰到好处，既唔干硬，湿润💧得黎又唔会有烂饭既感觉，口感几有黏性👍🏻
一开始见到饭粒以为不过系酱汁捞饭都无咩特别，完全无谂过饭粒虽然深色，味道不单止唔咸仲带有一丝鲜甜，事后多口向服务员了解得知原来餐厅系将煮完鲍鱼既酱汁加落珍珠米内一齐焗，所以每一口都系鲍鱼汁精华所在；加埋少许🤏🏻姜丝同葱花捞埋一齐食，味道好有层次感😋
大蚬大约有10只，每一只都饱满肥美，新鲜弹滑，最重要系完全无沙，可以话系无可挑剔👍🏻
至于龙虾🦞先煎香再连饭一齐拎去焗，火候🔥同样控制得非常好，肉质爽脆弹牙同时鲜嫩多汁💦；由于系即捞即处理并非急冻❄️龙虾🙅🏻♀️，鲜甜味道十分明显，流质状虾膏味道亦浓郁，无谂过除左饭粒令人有惊喜之余，海鲜部分亦同样出色，个人强烈推介大家一试😉
-
🥢是日甜品🍮
甜品系以蒟蒻制成既乌龙茶冻，口感Q弹，茶香浓郁，感觉同饮紧一杯乌龙茶☕️无咩分别，但系就无茶既涩味；食完热辣辣既焗饭再食返个冰冻乌龙茶冻，解腻同时又带有几分冰凉快感😌
******************************👧🏻人均消费：$350 (另+10%服务费)
😋味道指数：4/5
💰抵食指数：3.8/5
🪑环境指数：4/5
💁🏻♀️服务指数：4/5
👍🏻再访指数：4/5
-
📍Misu Seafood Cuisine
地址：湾仔皇后大道东202号QRE Plaza 26楼
⏰营业时间：12:00–15:00；18:00–22:00
(Mon–Sun)
张贴
