Patisserie Tony Wong (已結業)

成日经过都比呢度嘅装潢吸引住，都好想试吓呢度既甜品，终于有时间满足下了一坐底未够一秒已经有人走埋黎讲：用餐时间一小时。心谂好似想赶客走甘😅芒果四重奏 $82本来唔系想叫呢一款，但咁岩见到隔离𠮶台两个人都食紧，好似几好味，所以就叫了。食完四种唔同嘅芒果款式，除咗最尾个拿破仑觉得好食之外，其余都觉得好一般，完全觉得值呢个价钱。榛子疏乎厘伴雪糕 $72叫呢个嘅原因纯粹觉得榛子、疏乎厘唔会难食，放心一点。但结果系见到个卖相以为送错，甘深色既？实物同照片不一，除咗觉得甜之外唔觉得好食，口感好似塔晒咁，扣分。本身自己对云呢拿味雪糕觉得好普通平时好少食，但个雪糕意外地得好好味。最后叫咗一杯热咖啡谂住醒下神，哗！真系唔方唔醒神啦！因为真系好难饮！就算加上奶加上糖，好耐未饮过咁难饮嘅咖啡！佢应该都算系人生中可以入三甲最难饮嘅咖啡之一。总结来讲环境尚算唔错，但价钱同味道性价比低，冇乜必要都唔会再试。