德島

营业中

休息中

有次行過見到門口排晒隊，八封睇吓呢間餐廳叫咩名，上Openrice search個個都話奶茶好飲，所以決定要去試吓，一入店店員話「早晨！幾多位」，帶咗我哋最入嘅座位，見我哋share睇緊餐牌，即時喺隔離張枱攞多個餐牌俾我哋，話唔洗睇得咁辛苦上面～餐肉腸仔炒蛋通粉同鴛鴦走（落煉奶）下面～沙爹牛肉炒蛋通粉同奶茶走（落煉奶）早餐就正正常常，杯奶茶真係好飲，媽咪話佢杯鴛鴦好飲啲，其實都係個茶底正先可以溝到杯好飲嘅鴛鴦店員送上多士，即刻食好食啲喎！咁就食咗先啦！香！脆！食飽仲要每樣買多支返屋企店員話飲嘅時候要搖下個樽，怕啲奶沉底。服務好好有早晨又多謝仲溫馨提示，今時今日仲有呢個好客之道，難怪排長龍