正一麵 (已結業)

街市食豬雜，豬潤收工返歸搵野食，去左街市食呢間正一麵，我地2個人叫了，豬潤麵轉公仔麵，豬雜麵轉米粉，飲熱檸茶及熱檸水。好快整完就上台。2個麵分量都大，餸都叫多！豬潤麵轉公仔麵叫左多青，加埋薑，底有生菜，D豬潤都多，吾錯。個湯都幾好飲，幾濃味，感覺冇乜味精，豬潤補血～不錯。豬雜麵轉米粉豬雜料有豬肚，豬潤，豬瘦肉，豬粉腸，如果有埋豬心，就正好多。個湯都係一樣。好多米粉，勁飽肚。再連2杯野飲，夠晒。價錢都合理，埋單＄81。