新光粥店 (已結業)

味道一個字，差！傳統美食如腸粉炒麵炸兩通通好難食，啲腸粉粉太少，軟林林一夾就散，油炸鬼唔係即炸，放好耐硬晒舦，炒麵麵質冇味道，好似食咗一啲劣質麵粉同埋化學物質入肚。衛生情況好麻麻，阿姐指甲會插到粥裡，炒麵亦夾到天一半地一半，放上抬啲麵就掂到檯面。最主要嘅係，粥用成擔火水煮成，非常懷疑內裡隱含好多毒素。街坊生意係就係做咗幾十年，但好多人同我一樣，都係冇錢嘅時候先至幫襯，如果你想食碗靚粥或者享受傳統小食，咁我就非常之唔推薦啦。