但係更特別嘅係，一入到去竟然有一張麻雀枱喺度！仲有幾個客人邊打牌，邊食嘢！
餐牌都算幾多選擇，原來係山東私房菜，老闆應該係山東人，難怪啲口味咁正宗！
我哋叫咗一個水煮牛肉，如果平時呢個份量，起碼都要$200以上，但係呢度只係需要$138就食到，性價比好高！
不過本身冇辣度選擇，呢個對我來講只係屬於微辣，但係有好多花椒子，所以食落都好香口！
第一次係食牛肉比其他配料仲多！
第二款就嗌咗青椒回鍋肉，夠火候，好香口，肉片同樣係好多，拍得住出面大排檔小炒！
呢個單純係未試過，第一次食海帶苗，佢係用咗上湯撈，仲有一啲皮蛋同肉碎，口感好特別！平時比較少見呢款菜，推薦大家試吓！
