難得有個星期六踩完單車覓食，我地就覓食到太和。
招牌盧爸爸炒蜆
店家招牌菜之一，蜆肉隻隻都夠大隻，盧爸爸應該精心挑選好材料吧，蒜蓉汁香辣惹味，但食完發現碟底原來都幾油。
蒜蓉炒時蔬：本來想食腐乳炒菜，但怕太肥膩，呢碟菜落左好多蒜蓉炒好香，但都係嫌佢有啲油。
是日推介：胡椒蝦
因為見到牆上寫住是日推介，所以叫左呢碟蝦，但係食左一兩隻蝦，已經覺得啲蝦過油但唔夠胡椒味。呢碟唔推薦。
食完今餐之後，我同老婆都一致覺得呢度用料好，食得出廚師嘅用心，而且碟頭頗大。可惜係調味偏重，餸菜有啲油膩，適合食得偏重口味嘅人。
