呢間野幾得意，係顧客自己係檯隔黎個ＭＯＮ落單，然後嘟八達通畀錢，
我叫左個四寶車仔麵＋凍奶茶，顧名思義，四(食送)一麵。
麵底揀左粗麵，不過不失。
豬紅
，因為坊間太多都係會煮到爛哂，但呢間係完整。
豬皮我就覺得一般般，可能因為都唔係本身自己中意。
蘿白都唔錯，因為好入味，唔會話同個湯隻味係兩種味咁樣。
但最令我滿意既係鹵水雞中翼
，我平時唔係好食雞翼，
但佢個鹵水汁甜甜地咁好易入口，好有小學時候小食部既味道。
$40.4我個人就覺得尚可接受，當然平多一、兩蚊會更加好啦！
但係會推薦既！下次再有機會去屯門都會幫襯下！
