更多
2008-08-19
行过见门口相片, 老板个样咁熟口面, 原来系上星期睇有线, 谷德超访问个间, 但唔见谷德超访问照片㖞? 只有苏丝黄访问的图片, 真系电视节目都有全套一站式服务, 经过当日只是下午六时左右, 好似未准备开始夜市, 但无理咁多, 照入, 果然真系! 冷气都未开晒, 叫了出名的两味𩠌, 萝卜牛腩煲, 萝白每件切成长方形, 咬落不觉老和韧, 好味, 牛腩切成厚片铺面, 肥瘦适中, 女士们可能觉得略肥, 汤味清甜呀, 衰在泠气唔够, 一啖汤三滴汗水, 好热, 冬天就一流, 另一味, 煎肉饼, 先把肉饼蒸好, 再用火煎, 肉饼内有切碎的冬菇及马蹄, 咬落少少弹少少爽少少脆, 非常好味, 送酒无得弹!服务水准不算差, 侍应解释十分清楚, 唯等菜时候有断小插曲, 偶听见老板向侍应发唠骚, 自言自语, 原来唔系闹侍应, 而系话自己个仔唔勤力, 话左落嚟开工, 过晒时间重唔见人, 原来重系楼上训紧觉, 跟著, 老板又自言自语: “真系害我呀….”, 抱怨个阿仔个阿妈(即系老婆大人啦)唔请外人, 要自己个仔落嚟帮手, 但个仔又唔生性, 自己人话都无唛用, 唉…真系…家庭生意唔容易呀! 另外, 老板应该唔系好
服务水准不算差, 侍应解释十分清楚, 唯等菜时候有断小插曲, 偶听见老板向侍应发唠骚, 自言自语, 原来唔系闹侍应, 而系话自己个仔唔勤力, 话左落嚟开工, 过晒时间重唔见人, 原来重系楼上训紧觉, 跟著, 老板又自言自语: “真系害我呀….”, 抱怨个阿仔个阿妈(即系老婆大人啦)唔请外人, 要自己个仔落嚟帮手, 但个仔又唔生性, 自己人话都无唛用, 唉…真系…家庭生意唔容易呀!
另外, 老板应该唔系好信得过员工, 比钱时侯, 侍应要特登叫老板仔从厨房出来收钱, 个仔既服务态度认真麻麻, 木口木面, 多谢都无声, 唉, 真系听老板讲, “倒米呀!”
还有另外一单, 就是另外的一位男伙计, 睇电视, 播新闻, 刚讲起嘉禾大厦两位殉职消防员, 几个伙计, 你一言, 我一语, 当日尚未清楚两位殉职消防员的死因, 那位厨房伙计大大声: “氧气桶 梗系唔会比人啦… ” 命㖞…我死不如你死, 边有咁蠢, 老板仔跟随便答嗲: “咁辛苦…入黑社会都唔做消防员呀….” 唉..老板, 有一个”如此”有责任感的儿子和员工, 我明白你的感受!
张贴