影片
更多
2024-04-25
548 浏览
上个礼拜食完饭之后经海之恋搭西铁，行商场嘅时候见到有间西餐厅又唔算好贵，今日就同朋友嚟呢度食下喇。入到去见到座位都非常之宽敞除咗有室内雅座之外，仲可以坐喺户外，不过怕怕又再落雨，所以都系坐返室内就叹吓冷气。一入去嘅时候服务员都好有礼貌，仲同我哋介绍今日有半价嘅食物。同屋企人拣咗美国谷饲安格斯牛肉眼，加$38就有个套餐，另外就用半价优惠要咗个猪仔骨。加$38套餐，除咗有龙虾汤炸蚝之外仲有埋沙律同饮品，饮品佢话转咗百香果红茶我都觉得OK。话咁快就上咗面包先，我估应该系麦包，面包非常松软，有微微嘅甜味。而且系热辣辣，唔会焗到个皮好硬好刮口，搽上牛油就好好味，两个人食个包就啱啱好。饮品亦都送到叫咗佢小冰都真系唔会话落咗好多冰，而由于而家要用环保餐具，佢嘅纸饮管去到最后一刻都冇软到。食完面包就开始上前菜， 餐汤可以拣龙虾汤或者蕃茄汤，咁梗系紧龙虾汤啦，然后就仲有两嚿炸蚝同埋一份西柚沙律。炸蚝方面都系热辣辣够酥脆嘅，而沙律就有酸酸甜甜嘅汁令到更加开胃同埋可以解除返食炸蚝嘅饱咁。不过我觉得前菜最重要都系个餐汤，虽然呢个龙虾汤冇龙虾肉喺度，但系饮落去呢就相比起系更加有返海鲜嘅𠮶种咸味，唔会话太重茄酱嘅
同屋企人拣咗美国谷饲安格斯牛肉眼，加$38就有个套餐，另外就用半价优惠要咗个猪仔骨。加$38套餐，除咗有龙虾汤炸蚝之外仲有埋沙律同饮品，饮品佢话转咗百香果红茶我都觉得OK。
话咁快就上咗面包先，我估应该系麦包，面包非常松软，有微微嘅甜味。而且系热辣辣，唔会焗到个皮好硬好刮口，搽上牛油就好好味，两个人食个包就啱啱好。饮品亦都送到叫咗佢小冰都真系唔会话落咗好多冰，而由于而家要用环保餐具，佢嘅纸饮管去到最后一刻都冇软到。
食完面包就开始上前菜， 餐汤可以拣龙虾汤或者蕃茄汤，咁梗系紧龙虾汤啦，然后就仲有两嚿炸蚝同埋一份西柚沙律。炸蚝方面都系热辣辣够酥脆嘅，而沙律就有酸酸甜甜嘅汁令到更加开胃同埋可以解除返食炸蚝嘅饱咁。不过我觉得前菜最重要都系个餐汤，虽然呢个龙虾汤冇龙虾肉喺度，但系饮落去呢就相比起系更加有返海鲜嘅𠮶种咸味，唔会话太重茄酱嘅味道。呢个汤我觉得有惊喜，最重要系个汤都好够热饮完个汤之后个碗都仲有冒烟。
我觉得呢间餐厅佢上菜都上得好合时候，唔会话一口气上晒所有菜式令到啲食物冻晒。首先上嘅主菜系肉眼扒，呢间店舖嘅暖碟做得好足，所以上枱嘅时候系feel到只系暖嘅，而牛扒见到佢烧到有格仔纹，切落去嘅时候啱啱好系五成熟，唔会话有过熟嘅情况发生。咬落去肉味好多肉汁，唔会话好韧，亦都唔会话有好多根搞到好似咬橡筋同埋咬唔到咁样。 佢嘅伴菜除咗有薯蓉之外亦都有唔少蔬菜例如芦笋同埋萝卜等等，全部都系煮得啱啱好，例如芦笋系啱啱好爽口，唔会话有叫过老嘅情况。薯蓉虽然唔会话好浓味，但系喺食完肉之后再食返一啖薯蓉，可以中和返口入面嘅油腻感。如果想浓味啲可以点佢配上嘅岩盐同埋烧汁， 点咗岩盐就会令到肉有多一种嘅咸香，同令食牛肉嘅时候多咗一种层次感。而烧汁嘅调味做得好好唔会话抢咗牛嘅味道，反而我觉得系带到牛嘅另一种本身嘅甜味出嚟。
食到差唔多猪骨仔都到喇，一上枱嘅时候见到佢系热辣辣，除咗有薯条之外亦都有西柚沙律，方便食猪仔骨食到有啲滞嘅时候可以用嚟解腻。店员上菜嘅时候放低咗好大支茄汁，方便我朋友系咁点薯条，非常贴心。 猪仔骨煮得非常之够时间，一切嘅时候，肉就已经好软熟咁样分离咗。当然啦食猪仔骨咁系要用手拎嚟食㗎啦，一咬落去肉类唔会变得好鞋口， 酱汁同肉嘅比例好适中，咬落去系啱啱好。酱汁一样唔会话太浓味，可以食得出肉本身嘅鲜味同埋佢一丝丝肉嘅纤维。本身食牛扒都已经开始饱饱地食半份猪仔骨就真系啱啱好啦每人都可以分到两至三旧猪仔骨。佢嘅薯条反而令到我同朋友更加惊喜，佢系中尺寸嘅薯条，仲有啲连皮添，咬落去热辣辣， 食到薯仔嘅真味，我朋友就拎嚟点茄汁但我觉得拎嚟点牛扒𠮶个烧汁就更加一流。
见到餐厅有做全日happy hour 优惠，有唔同嘅啤酒选择，我见到前面张枱嗌咗成大桶啤酒都觉得好厉害，下次可以叫朋友三五成群嚟呢度饮返杯！庆祝生日都好适合，咁啱隔离枱今日应该有人庆祝生日，餐厅都播咗唔同版本嘅生日歌同埋喺生日蛋糕点埋蜡烛同隔离枱庆祝生日。
张贴
