又一戟

以前葵芳嘅又一㦸，去親都極多人，所以我好多時都分散個投脂去咗其他小店幫襯，今日收工必須經藍田先返到屋企，所以特登上匯景商場幫襯回味一下！

法式焦糖燉蛋班㦸，真係好好味！ 睇住老闆娘即燒個焦糖，燒得好平均，完全cover晒我個燉蛋！揀咗咖啡味雪糕🍦，老闆娘唔止𢳂一球㗎！佢係特登𢳂多少少放下面啲，等客人食到底都仲有雪糕！

總之成個班㦸都好好味😋，食到我超級滿足，令到我而家已經心思思想食另一個味😂 如果我住藍田，肯定月巴死我！

1

2

法式焦糖燉蛋班㦸