更多
2020-04-08
1070 浏览
疫症期间,好耐无出去行街,今日同闺蜜👭出嚟女士购物天堂葵涌广场shopping🛍,平时多数会喺顶楼𠮶层扫街,今日试下喺地下𠮶层觅食,原来都有正嘢食,呢间百味川专门食川菜🌶,啲嘢食又平又正,如果钟意食辣嘅朋友仔就绝对啱晒,不过佢都有唔辣嘅嘢食㗎。啱啱好2点半,仲有下午茶餐添,$18有蒜香皮蛋,比平时平成一半,虽然份量系少啲,但系绝对够食。蒜香皮蛋中间够晒多蒜蓉🧄,一口皮蛋,一口蒜蓉,正呀!不过食完真系唔敢讲嘢🙊~ 你明嘅另外下午茶餐家乡红烧肉米线比正价又平7蚊,其实已经好大碗,红烧肉炆得好稔好入味,脂肪唔会过多,汤底够浓。百味小锅米线有几款汤底,有清汤、酸辣(+$2)、麻辣🌶(+$2)、蕃茄🍅(+$2)、蕃茄酸辣(+$4),我拣咗清汤,汤底酸酸哋,感觉好醒胃。𩠌都好多,有鸡肉、牛丸、麻辣猪肚同豆卜。炸墨鱼丸🍡炸到金黄,又大粒又弹牙,点少少泰式辣酱食都几好味!炸韭菜饺好少机会食,食落热辣辣,咬落去好多韭菜,馅料好丰富。好钟意饮恐龙华田,冻冰冰嘅华田加上华田粉喺面,双重口感,正呀!店舖仲搞咗个齐心抗疫活动😷,医护人员出示有效证件可享特别8折优惠。而另外外卖自取亦有优惠9折。
疫症期间,好耐无出去行街,今日同闺蜜👭出嚟女士购物天堂葵涌广场shopping🛍,平时多数会喺顶楼𠮶层扫街,今日试下喺地下𠮶层觅食,原来都有正嘢食,呢间百味川专门食川菜🌶,啲嘢食又平又正,如果钟意食辣嘅朋友仔就绝对啱晒,不过佢都有唔辣嘅嘢食㗎。
啱啱好2点半,仲有下午茶餐添,$18有蒜香皮蛋,比平时平成一半,虽然份量系少啲,但系绝对够食。蒜香皮蛋中间够晒多蒜蓉🧄,一口皮蛋,一口蒜蓉,正呀!不过食完真系唔敢讲嘢🙊~ 你明嘅
另外下午茶餐家乡红烧肉米线比正价又平7蚊,其实已经好大碗,红烧肉炆得好稔好入味,脂肪唔会过多,汤底够浓。
百味小锅米线有几款汤底,有清汤、酸辣(+$2)、麻辣🌶(+$2)、蕃茄🍅(+$2)、蕃茄酸辣(+$4),我拣咗清汤,汤底酸酸哋,感觉好醒胃。𩠌都好多,有鸡肉、牛丸、麻辣猪肚同豆卜。
炸墨鱼丸🍡炸到金黄,又大粒又弹牙,点少少泰式辣酱食都几好味!
炸韭菜饺好少机会食,食落热辣辣,咬落去好多韭菜,馅料好丰富。
好钟意饮恐龙华田,冻冰冰嘅华田加上华田粉喺面,双重口感,正呀!
店舖仲搞咗个齐心抗疫活动😷,医护人员出示有效证件可享特别8折优惠。而另外外卖自取亦有优惠9折。
张贴