秘撈 (已結業)

收工去佐D2行下，上到二期三樓見到好多嘢食。一上到lift就見到間新嘢，🤭兼隔住玻璃窗見到好吸引，一于試試。👅台式古早味滷肉便當💰48 ＋💰8珍珠奶茶 我本人摯愛嘅經典搭配，滷肉量多又多汁，撈飯食勁香，加埋只滷蛋🥚、小小菜，夠曬飽。👅蒜辣鷄排手抓餅💰32 + 💰14荔枝茉莉茶手抓餅好大份，有内層錫紙外賣袋裝住保溫，入邊🐓鷄排啖啖肉。加配特飲都有半價，荔枝茉莉呢杯好清新解膩，推薦推薦啊。👅川味撈麵我地點佐兩款，豬大腸豬肚撈麵💰46，牛舌牛肚老麵💰48，個辣味好正宗。大大碗撈麵，好有嚼口，入邊仲有青瓜切絲同芽菜，食落會有更加豐富嘅層次感，唔會膩。👅小食我地仲點佐麻辣豬肚💰26，台式大雞排💰28，假日雪梨特飲💰28。性價比真係好高，選擇多多，有台式、韓式、川式，有辣有吾辣。雖然無堂食，净係得外賣，但係真係啱曬拎翻去一路煲劇一路食。😝🍴秘撈Loading📍荔枝角D2 Place Two 3樓313號