呢間位於荃灣鱟地坊嘅小食店，前身係燒烤店。平時嚟呢度附近都係食大排檔，見到餐牌有啲炸物、雞蛋仔、格仔餅🧇、同埋一啲嘢飲。
💚雞蛋仔都有好多款可以揀，我當然點咗我最鍾意嘅抹茶，抹茶色澤都幾完美，不過唔係好食到抹茶味，但係雞蛋仔咬開口感好煙靭，超足料，完全唔會覺得食緊空氣！爭少少有一刻錯覺以為食緊抹茶麻糬雞蛋仔！
🧇伯爵茶金沙醬格仔餅
一打開見到真係滿滿嘅金沙醬，真係超邪惡又好好味，咬開淡淡金莎醬朱古力榛子醬嘅味道😚😚
💚抹茶牛乳
作為抹茶控！野飲都一定要點抹茶🍵，雖然係凍飲，走咗冰之後飲啱啱好，抹茶味同奶味好濃，飲晒成杯之後好飽。
最後重點多兩杯比較清新啲嘅飲品，🍋鮮榨雙檸茶，茶味好濃，消暑又解渴。
🍋檸檬蘆薈飲落酸酸哋又帶有蘆薈嘅甜味！
4
1
