華香雞 (已結業)

今日經過荃灣西唸唔到食咩，search下發現呢間之前好出名嘅餐廳，但而家好似冇再咁響朵，不過就係想試下，難得呢到先有。鋪頭唔算大，都幾細，同友人分別叫咗兩樣野：招牌華香雞黃薑飯+醉雞黃薑煎飯底煲。首先講下佢啲飯，真係非常非常咁多…見到個下都呆咗，應該個到有4-5碗飯，個黃薑煎飯煲仲跨張，食飯都食到非常飽。佢啲飯煮得好好，粒粒分明，唔會痴埋一舊，水份量拿捏得好好，而且黃薑粉味充足，好出色👍🏼👍🏼另外，個招牌華香雞佢咁啱俾咗隻雞髀，皮唔肥，肥瘦剛好，嫰滑多汁，好好食！另一個醉酒雞都唔錯，個人認為酒味可再濃啲會更好！