小越廚

营业中

休息中

呢間餐廳我之前都食過幾次，價錢合理，食物質素都唔錯。今日約咗朋友喺荃灣見面，朋友未食過呢間餐廳，就帶佢去試下。我哋揀咗二人餐（$198)A選1+B選2+飲品2杯📍曼谷街頭虎蝦燜粉絲煲虎蝦有5隻，每隻都鮮甜彈牙，粉絲吸滿湯汁，味道唔錯。🥢泰式海南雞飯海南雞份量都好多，雞肉嫩滑，仲有特製醬汁，越食越開胃。🥢生牛肉湯檬粉湯底係牛骨淆製而成，用熱湯浸熟牛肉，牛肉更嫩滑。檬粉好爽口，吸收湯底精華，真係好食。🥤咸檸檬梳打咸檸檬加梳打，食完D惹味嘅食物，飲返杯夠曬清爽。🥤泰式凍奶茶茶味香濃，甜到剛剛好，的確唔錯。泰式鲜蝦餅(追加$38)上枱熱辣辣，用新鮮蝦肉製成的，食到有爽口蝦肉，點埋泰式酸辣醬，更惹味。