真正豆腐坊 (已結業)

買咗燒賣同茶葉蛋，啲燒賣蒸得耐咗好淋，啲豉油同辣油極淡，完全冇味，好似食緊白烚燒賣咁😓最過份係個茶葉蛋，望落個色澤唔錯所以先買一隻試，點知剝開咗之後發現同隻白烚蛋一模一樣，一啲茶葉味都食唔到，特登返去同佢反映想佢比返隻似啲樣嘅我，點知佢態度勁差淨係堅持話已經熟咗可以食，我同佢講個問題係冇茶葉味佢就藉口話因為太多人買所以滷唔切，但其實咁樣根本唔應該擺出黎買，係度欺騙消費者，最後佢仲要講咗句話下次一定預先同我講未夠味就打發我走。啲嘢食低質服務態度又差，以後都唔會再幫襯。🤬👎🏼