山東餃子花膠湯飯專門店 (已結業)

🐳尖沙咀真係出名多美食，有時都好難選擇食啲乜嘢！今次嚟到呢間food court，入面有八間餐廳可以選擇，而且環境坐得好舒服，又有職員幫你點餐同送餐，和其他food court非常之唔同，可以講係一間高級少少嘅food court。🐳望咗一望八間餐廳食啲乜嘢之後，最後決定食呢一間「山東餃子花膠湯飯專門店」，冇諗過花膠可以和餃子一齊食，非常之有創意嘅配搭。🐳翠瓜花膠蕃茄麵配香芹芫荽蝦肉餃子💰68蕃茄麵即係類似蝦子麵一樣，只不過係蕃茄嘅顏色。鍾意食芹菜芫荽嘅朋友，一定會鍾意呢款餃子，有六隻咁多，每隻都新鮮大粒。🐳翠瓜花膠泡飯配韭菜豬肉餃子💰68翠玉瓜切成正方小粒， 十分爽脆，花膠軟滑，配上韭菜餃子湯飯，味道很清新。🐳麻辣花膠💰48含有豐富的骨膠原，花膠又大又滑，加上麻辣醬汁， 十分新穎！🐳芒果士多啤梨梳打💰38🐳菠蘿熱情果梳打💰38