香港達人 (黃大仙中心南館) (已結業)

夜晚黃大仙搵食，呢間比較少人就入咗去。見到餐牌有個芝士龍蝦汁撈麵，幅相又好似幾吸引，所以揀咗芝士龍蝦汁吉列豬扒撈公仔麵。但現實總是殘酷的，佢係首先嚟個“汁”，係好似雲吞撈麵果碗湯，我就奇怪咩嚟係咪畀錯，同放低個阿姐講我哋冇叫呢樣嘢，但佢話呢碗係龍蝦汁。完全o哂咀畀個餐牌佢睇話龍蝦汁係張相橙色咁架喎，跟住佢搵咗另一個阿姐嚟，阿姐話不嬲都係咁，龍蝦汁直接撈咗落碗麵度。其實係人都知龍蝦汁冇龍蝦，但你都唔好當人儍嘅先得，好地地芝士汁撈麵咪算，係要話加龍蝦汁，遲早有人報海關。