摩登堂 (荃灣廣場) (已結業)

荃灣一向多野食，見呢間泰菜裝修幾靚坐得舒服，就揀左佢同朋友聚舊。

叫左一個冬陰功湯同椰子雞湯。 魚露味重，酸酸辣辣，撈飯一流。
另外叫左海南雞，肉唔鞋，皮光肉滑。另外叫左個泰式海鮮木瓜沙拉，都幾辣，唔食辣嘅朋友記得叫少辣。 大大份，好抵食。

泰式小食拼盤，裡面有沙嗲串燒，蝦頭同埋豬頸肉，新鮮炸好，熱辣辣，醬汁好食。

泰式鹽焗烤烏頭，同朋友兩個人食唔曬，要外賣拎走😂😂

另外叫咗杯泰式奶茶同埋青檸梳打，唔會太甜。

最值得推介嘅甜品， 叫左榴槤雪糕，好香濃，榴槤味，仲真係有榴槤肉，非常驚喜。