上海小館 (已結業)

一行5人食午餐，呢条街好多食店，刚好呢间门口有车位， 旧式上海店，格局近菜馆，粉红枱布，店员自己食紧午饭，仲好好人咁话帮眼睇车！大家各叫自己喜欢嘅食物分享！ 小笼包（$65）一笼10只，椰菜叶垫底，小笼包皮较厚，鲜肉新鲜多汁！点黑醋好味！ 麻婆豆腐（$42）好大一盘，豆腐嫩滑，豆瓣酱汁微辣开胃，捞饭一流！ 担担面（$20）幼面弹牙，已经剪开，不过花生味唔浓，汤底味道唔够浓，所以唔够味！炒鳝糊（$32）好浓好杰，鳝肉弹牙，最喜欢用银芽炒，捞埋汁爽脆好味！ 酸辣汤粗面：我试饮少许酸辣汤，一汤匙已经好多料，猪皮木耳丝爽脆，豆腐嫩滑，汤底微辣，酸酸地开胃！ 回锅肉（$32）酱汁唔够浓味，椰菜太大块，好硬，肉块唔够嫩，唔够味！ 红烧肉（$32）自己唔太喜欢红烧，所以只食了一件豆卜，豆卜爽晒酱汁，酱汁香浓，浓味又唔会过咸！食物几好，店员亲切！又肯睇车又有笑容！好开心嘅一餐！