影片
更多
2012-10-02
61 浏览
摸左半日蚬 , 又攰又肚饿 , 想打边炉 , 但东涌选择不多 , 索性揾个熟路又远又方便返沙田o既地方一谂就谂到 , 就返大角咀食啦 , 边炉己预备下星期会去用团购食 , 谂谂下不如去食鸡煲啦 !!上次o系旺角食过一间任食o既 , o个阵睇过佢地大角咀都有分店o家 !! 上 openrice confirm 后即刻出发 !!环境比旺角店细好多 , 破旧好多 , 呢间野之前都系餐厅 , 佢无改间格无重新装修就继续沿用所有野地方需少 , 但 d 枱都唔细 , 而且都唔会话太迫 , 仲有电视睇添 , 有一个任饮多种汔水o既雪柜 ,不过呢度就无任装 d 鼓油 , 麻辣酱等等 , waitress 话系因为个鸡煲加左上汤都好浓味 , 真系要用先拎都得呢度无咁多人无咁忙乱 , waitress 服务都较为殷勤 , 会帮我地搅动鸡煲 , 主动收碟仲不时睇下我地使唔使加汤野食有少少漏单 , 同 waitress 讲佢都好快帮我地跟 , $ 118 一位任饮任食仲要无加一 , 真系抵到震 !!两位鸡煲有半只鸡 , 好浓郁川椒麻椒味 , 叫少辣都越滚越辣 , d 鸡好多肉 , 唔会好肥 , 个煲本身好多洋
一谂就谂到 , 就返大角咀食啦 , 边炉己预备下星期会去用团购食 , 谂谂下不如去食鸡煲啦 !!
上次o系旺角食过一间任食o既 , o个阵睇过佢地大角咀都有分店o家 !! 上 openrice confirm 后即刻出发 !!
环境比旺角店细好多 , 破旧好多 , 呢间野之前都系餐厅 , 佢无改间格无重新装修就继续沿用所有野地方需少 , 但 d 枱都唔细 , 而且都唔会话太迫 , 仲有电视睇添 , 有一个任饮多种汔水o既雪柜 ,
不过呢度就无任装 d 鼓油 , 麻辣酱等等 , waitress 话系因为个鸡煲加左上汤都好浓味 , 真系要用先拎都得
呢度无咁多人无咁忙乱 , waitress 服务都较为殷勤 , 会帮我地搅动鸡煲 , 主动收碟仲不时睇下我地使唔使加汤野食有少少漏单 , 同 waitress 讲佢都好快帮我地跟 , $ 118 一位任饮任食仲要无加一 , 真系抵到震 !!
两位鸡煲有半只鸡 , 好浓郁川椒麻椒味 , 叫少辣都越滚越辣 , d 鸡好多肉 , 唔会好肥 ,
个煲本身好多洋葱 , 加上汤后一直滚到佢淋晒 , 好正好入味 , 鸡翼尖o个 d 位都可以滚淋先食
鸡煲食到一半左右 , 加入上汤 , 落晒 d 萝卜 , 切得好薄 , 入晒味都唔知佢甜唔甜 , 总之要追加多碟啦仲有南瓜片同芋片 , 都系切得好薄 , 滚耐少少就己经唔见左 , 肥牛同豚肉都唔错
当然不能够要求有 d 咩高水准靓牛啦 , 不过肥瘦比例唔错 , 唔韧唔骚就己经系我可接受范围之内好食o既边炉料要数一数炸鱼皮 , 松脆香口 , 白鱼蛋软韧弹牙 , 仲好有鱼味 , 唔好渌太耐 , 容易太咸
蟹籽丸都几好食 , 同平时街市买到o个 d 唔同 , 无咁淋身同埋 d 蟹籽比较有咬口 , 感觉到卜卜声添牛柏叶都 ok , 粗幼得宜 , 爽口唔韧 , 滑鸡片有 d 连皮o既好好食 , 鸡味系少但滚起黎好似个鸡煲多肉食左咁
炸枝竹需要黎到系完全无炸, 只系一块普通o既腐竹 , 不过好滑溜好索汤 , 仲无炸o既咁多油 ~
对我黎讲要记住下次唔好点o既有鱼皮饺 , 好腥 , 个皮唔够弹性 , 猪红有阵怪味薯粉 , 难以控制滚o既时间 , 因为幼身而且质感 , 花胶好容易滚到变左一 pat 野 , 入口感觉并不良好
## 我地两个一谂起鸡煲 , 都会先以至尊为首选 , 因为觉得任饮任食真系好 arm 我地 ,
不过就好似打边炉咁 , 其实非任食o既话 , d 配料会靓 d , 所以评任食时 , 要求会调低 , 放心 ~
张贴
