丸作食茶 (葵芳匯) (已結業)

台式飲品店成行成市，點樣出奇制勝❓丸作就以自家製珍珠作賣點，不含防腐劑，仲有10款珠珠比你揀，捉緊香港人貪新鮮嘅心理，誠意之店👍。最近仲攪優惠，每日推介一款飲品，並以大特價$20(中杯)及$25(大杯）益大家。今日買咗兩杯一家三口👨‍👩‍👦開心share。黑糖珍珠奶茶$25，選擇常溫、微糖就能特顯紅茶味道濃烈，焦糖丸軟熟Q彈。珍珠宇治抹茶$20，選擇少冰、微糖，抹茶帶有微微苦澀及回甘味，配埋香滑忌廉同白玉丸，確實係清新有嚼口嘅飲品。