天璞養生湯 (已結業)

收咗工唔想煮飯，喺元朗搵吓有咩食，經過見到依間主打自家煲嘅湯嘅餐廳，就走入去試吓。湯嘅種類都好多，係諗咗好耐嘅情況下，最後決定叫個湯然後加$20跟個餸同飯。淮杞石蔘燉烏雞湯，咁佢真係好足料，淮山，杞子，石蔘，樣樣都有，所以一飲落去個湯好濃，一飲就知係真係燉咗好耐，唔係Hea我嘅。同一時間都有烏雞味，真係好想知道佢燉左幾耐！個湯冇味精，飲完唔會好扯水，真心推介！梅菜蒸鯇魚，個鯇魚都蒸得唔錯，梅菜都好帶起到鯇魚嘅鮮味，跟住聽到職員講啲鯇魚係啱啱買嘅，難怪食落去咁好食！條鯇魚唔會蒸到好老，唔會太生，啱啱好離骨，仲要係鯇魚腩，有少少肥，真係好好食！加埋佢個飯唔係普通白飯，係蒸飯，食落去感覺好唔同，真係幾好食。