紅茶冰室 (已結業)

好耐好耐冇食菠萝油，菠萝油系香港地道美食文化嘅代表之一！不过好食嘅菠萝油系难得，要整个包嘅状态胀卜卜，皮脆刚好盖住整个包，裂纹较多，甜度亦都要合比例；然后旧牛油要有足够大，亦要有足够厚度，并且够冻，咁样上枱嘅时候你先可以仍然见到嚿牛油软好嘅状态，而有足够冰冻咬入去嘅时候就可以食到冰火融合嘅状态😋我食过好多间菠萝油，我觉得最好食最好食系呢一间佢嘅状态每一次食都保持到，再加上佢个超级无敌冻鸳鸯就系最完美嘅组合！另外，在嗌咗吉列猪扒咖喱意粉，同热奶茶。吉列咖喱猪扒非常热及脆身，颜色均匀已有金黄，猪扒有足够嘅厚度咬落去夸夸声非常香脆可口佢啲咖喱亦都非常之香辣适中系港式咖喱嘅味道。都系我最推介嘅港式咖喱啊！😋我觉得热奶茶可以试到一间茶餐厅水坝嘅水准拉同茶嘅配合比例系要好完美先可以饮到入口顺滑有茶叶奶香平衡而又有厚度嘅！呢度做得到所以我会选择喺呢度饮冻或者热奶茶都非常之享受！