回到味來 (已結業)

最近scroll 港生活IG睇到回到味来庆祝开业2周年，见到d相都几正正子所以决定同朋友试下。其实我系比佢既卜卜蚬煲吸引左😆平时鸡煲多选择，蚬煲又真系少聼d，呢度算系放题形式，拣完想食既煲，之后可以再点打边炉配料、串烧。同埋超多款台式饮品，樽装/罐装/水吧整既都有，放题黎讲算系好多款，我二话不说拣左最爱既百香果绿茶，朋友就饮苹果醋。卜卜蚬煲一边滚起一边卜卜声好得意😆问左餐厅原来佢地系用左沙白蚬😍，粒粒饱满多肉又无沙，我平时煮沙蚬蒸水蛋亦系买沙白蚬，贪佢够平、够鲜味又少沙、容易处理，除左买花甲又多个选择。值得一赞呢个蚬煲d蚬又真系几干净，加埋惹味秘制酱料唔洗10分钟就清晒d蚬🤤唔够喉可以再免费加蚬，不过我要留肚打边炉haha首先黎左一碟牛颈脊，牛味香浓，肉质亦够嫩滑软熟，个人觉得中意食牛既朋友可以encore。另外有唔少火锅配料like 芝心丸、猪肉丸、肥牛、蟹棒、鱼蛋、水鱿、鱼皮饺等等。海鲜串烧包括海螺、生蚝、扇贝、帆立贝、青口，我地叫左一款烧香菇都好好味，撒满孜然粉少辣又惹味。