Munch Now (已結業)

以前成日幫襯呢間餐廳，但今日之後唔會再幫襯我7:39pm 落單，幫襯5個外賣自取餐，俾錢嗰時侍應姐姐已經同我講明要等25-30分鐘，我都話OK冇問題。我企出門外等廢事阻住人哋做生意。等嘅期間，我喺門外都見到侍應望到我都行咗入廚房幾次，我估係幫我追餐。等咗未夠半個鐘，侍應姐姐走出嚟話未咁快得，叫我入去坐陣，咁我見餐廳都係半滿，所以就入去坐住等。等夠45分鐘，我再追侍應姐姐，侍應姐姐就話再幫我追廚房。我見侍應姐姐行咗去廚房啲邊又冇出嚟同我講返，我就行去廚房嗰邊望下，見到侍應姐姐面有難色，然後佢行返過嚟同我交代。佢表示佢喺我哋等嘅45分鐘入面，不停入去廚房追+求廚房出餐，但廚房最後表示「唔會出俾你哋。」冇其他原因交代過。我就係到白白等咗45分鐘超過，想搵老細出嚟交代清楚件事，原來廚師就係細股東，怪唔之得可以咁大官威。總結就係呢間餐廳老細（之一）極度不負責任，如果係因為忙而做唔切，係咪應該由一開始就cut我單話做唔到？而唔係要客人等咗45分鐘超過之後，原來由頭到尾冇整過我啲餐，然後原因都冇一句話「唔會出」就算？PS. 成件事唔關侍應姐姐嘅事。