清真牛肉館 (打鼓嶺道)

营业中

休息中

记得十几年前曾经特登走黎买过牛肉饼返屋企食，𠮶阵好似系读紧大学，转眼十几年了，第一次黎堂食，风味依旧，一啲都无令人失望。叫左个咖哩牛腩、鸡丝海蜇、羊肉春卷，最紧要当然系牛肉饼。咖哩牛腩应该系我食过最好味，佢有种独特嘅香味，啲牛腩又好林又入味，介乎系似膻不膻之间，有种令人一吃再吃嘅冲动，一定要配饭吃，我谂净系啲汁可以送3碗饭。鸡娈海蜇好香麻油味，不过相比起来就无甚特别。羊肉春卷热辣辣即炸，好松脆香口，不过啲羊肉就有啲韧。最好味一定系牛肉馅饼，一咬啲肉汁喷射而出，足足有三汤匙咁多肉汁，就算摆到最尾先食依然后滚热辣，味道咸香浓厚，同十几年前系一样㗎。