影片
更多
2013-12-26
1547 浏览
辛苦咗咁耐有个红日同屋企人过, 梗系想揾间特别少少嘅餐厅食正嘢啦. 于是特登上嚟open rice嘅圣诞特集揾, 而遇上呢间听落好似几ok嘅唐朝! 斎睇网上嘅食评, 见佢又蚝吧又火锅又和牛又刺身, 好似应有尽有, 谂住实冇死! 反正妈咪钟意食生蚝, 爹地钟意食中式嘢, 细佬系个牛肉怪, 简直一次过满足嗮所有愿望咁嘅款, 咪果断打电话过去Book位啰, 同佢讲圣诞夜7:30五个, 佢仲好开心咁话到时见咁, 我咪心满意足期待啰! 直到圣诞日嘅下午佢打电话嚟确认人数, 我同佢讲我有可能加多个位, 佢就支吾咁问我其实有几大机会会加. 我觉得好奇怪, 于是就话未知住, 你当我加先啦. 咁佢亦答我话冇问题, 会帮我安排. 咁我咪就原定计划, 7点25分左右到达门口啰. 点知! 去到之后, 当我以防万一再次同佢哋讲我哋而家有六个人, 佢即刻打咗个突, 然后叫人带我哋上楼上嘅细枱, 话坐住先, 因为我冇同佢讲我哋系六位. 我重申之前已经讲过, 但系佢话book𠮶时已经冇讲明,所以都 冇办法. 好啦, 我哋六个人于是企喺𠮶个企直会撞头嘅二楼, 望住张好幼嘅四人枱, 叹气. 事关所谓嘅五人枱原来只系一张幼
直到圣诞日嘅下午佢打电话嚟确认人数, 我同佢讲我有可能加多个位, 佢就支吾咁问我其实有几大机会会加. 我觉得好奇怪, 于是就话未知住, 你当我加先啦. 咁佢亦答我话冇问题, 会帮我安排. 咁我咪就原定计划, 7点25分左右到达门口啰.
点知! 去到之后, 当我以防万一再次同佢哋讲我哋而家有六个人, 佢即刻打咗个突, 然后叫人带我哋上楼上嘅细枱, 话坐住先, 因为我冇同佢讲我哋系六位. 我重申之前已经讲过, 但系佢话book𠮶时已经冇讲明,所以都 冇办法. 好啦, 我哋六个人于是企喺𠮶个企直会撞头嘅二楼, 望住张好幼嘅四人枱, 叹气. 事关所谓嘅五人枱原来只系一张幼身长方形四人枱, 然后喺侧边加多个主席位! 我哋同佢讲冇可能坐到, 先唔讲咁细张枱点摆嘢食, 就算我哋六个人围住张枱坐喺度都唔够空间摆凳啦!
于是, 佢哋开始hea我哋, 话会担凳俾我哋之余, 又叫我哋嗌住嘢食食住先! 大佬, 点食住先啫, 唔通滚完拎开坐开食, 好似喺屋企咁? 之之助助搞咗劲耐, 我哋六个因为企喺度阻住佢哋嘅唯一通道, 唯有坐低. 喺呢个时候, 先系阿姐, 后系经理之类嘅人物又逐一上嚟叫我哋食住等, 又话已经有人埋单, 到时我哋可以转房. 摆明就dum波钟! 终于喺呢个局面维持咗半个钟之后, 有房埋单, 而我哋亦终于入房用大枱可以嗌嘢食!
本以为风波总算告一段落, 殊不知个堪称顶级牛肉嘅拼盘一啲都唔吸引. 铺底嘅有雪花牛冇错, 但系上面第二层嘅几块切得薄薄嘅牛舌, 继而有五!大!粒!肥牛粒? 有冇搞错呀, 俾3百几近乎四百竟然系啲咁嘅份量, 咁嘅货色?! 咁我做咩要嗌顶级?! 我食番普通手切雪花肥牛都得啦! 仲有个象拔蚌刺身, 佢切得咁厚我都可以话算, 当系有咬口, 但切完出嚟啲象拔蚌已经变得暖身, 感觉好唔卫生之余, 切出嚟嘅份量亦好唔划算, 根本唔值988! 另外, 其他小食, 火锅配料真系劲一般, 个所谓出名嘅黑松露饺子一落水就甩皮, 一份粟米根本就系一条干铮铮嘅粟米一开八, 冇嚟诚意!
仲有, 坐落大房之后就发现其实大枱嘅seating一啲都唔合逻辑. 明明系十人大枱, 用嘅炉竟然系细嘅! 于是全世界只手唔够长夹𩠌不得只, 仲整晚喺度玩sit-up, 劲攰! 原本嘅食欲都冇嗮啦! 所以奉劝一句, 若然大家决定一定要试菜, 就必须保持人数于五人或之下, 如果唔系就好似我哋咁劲多问题! 其实如果嘢食上唔up to standard, 我都可以话系自己问题, 当我挑剔. 但最好笑嘅系, 临尾声个经理竟然入嚟讲"唔好意思, 我哋个信用卡机啱啱坏咗, 介唔介意俾现金". 我想讲我明白亦试过好多餐厅每逢佳节都钟意用呢啲伎俩, 务求喺最短时间攞到cash周转出货嘅钱, 但系可唔可以唔好等人嗌嗮嘢食, 食埋先咁样玩? 若然你要收cash, 大可以一开始入席就讲, 咁我哋都仲有时间佢gum定俾你, 唔洗一下子老嘅嫩嘅喺度摷银包! 就算我当你真系信用卡机坏咗, 通常其他餐厅都会offer折头当系道歉带来嘅不便. 唯独呢间劲有性格, 一只字都唔提! 咁当然, 你唔提我哋亦唔会问, 话说出得街食饭预咗俾钱, 不过咁样嘅态度确实令整件事更大打折扣.
另外值得一提嘅系, 去到后尾俾钱check单, 调味费盛惠18蚊一位不特只, 我哋明明嗌咗四支汽水同三揸酸梅汁, 佢通通同我落错嗮, 想收六枝汽水同三揸唔知咩水 == 最好笑系同阿姐讲话张单错咗, 佢竟然答我"咁呀, 你俾咗钱先, 我再退番你吖!" 喂, 张单明明错咗, 点解会叫个客俾咗钱先架? 简直吹到啤一声!
终于, 我哋六个人食嘅包括一盘顶级肥牛拼盘, 一盘本地手切肥牛, 一碟988嘅象拔蚌刺身, 一盘水准还可但少嘅杂锦鱼生刺身, 基本火锅配料包括丸子饺子西洋菜粟米萝卜酸梅汤等等, 一共3278, 一啲都唔抵! 整晚唯一可以赞嘅系佢哋个日本南瓜海底椰锅, 汤浓之余细滑而足料, 就算滚完肥牛都不至肥腻, 真可惜其他的事都已经盖过呢个汤, 未能全心全意品尝, 饮恨!
张贴
