百樂門宴會廳 (已結業)

自從同喜尚嘉喜割半後，服務與舒適程度差了許多，百樂門想做多幾轉生意，加多左好多圍枱，變得好擠擁，食物選擇亦比以往少！星期日午市，我地九個人去，只派六人枱比我地，叫我地忍耐點親密點坐，隔五分鐘後，見隔離十人桌的人走了，想叫佢換比我地，亦不肯幫忙，反而派比其他人。結果隔離大枱坐五人，我地細枱坐九人，唔乎合邏輯。食飯期間，因為每枱靠得太埋，點心車無辦法過，我們要不斷起身拉凳讓位比啲呀姐推車，期間有位經理叫婆婆起身拉凳移多少少位比佢過，問題是婆婆已經82歲，很難再不斷起身坐返低，既然酒樓安排不妥當，麻煩佢兜第二條路行，經理居然發脾氣，嘴臉極差，態度非常惡劣。奉勸有老人家同行既，去其他寬躺一點的酒樓，元朗還有很多選擇，不必來這裡比錢買難受！以後不會再來！