今日同好朋友一齊係形點食晚餐，諗住食好小小，咁唔係OUT BACK 就去地下個層去SKY Bar 啦。咁就中伏了。
叫左一份主菜：芝士焗龍蝦，特色香料牛扒。
😻😽正題來了：一上枱心諗：牛扒咁薄，又油淋汙淋，但又唔似煎過喎。一食落去，油膩之餘，仲要係似茶記質素，冇牛味，有雪味，一陣牛應有既味都冇。醬似係自己開心配搭，左加加，右加加。Woooo… 唔襯個肉(已經唔想稱佢為牛扒)。
龍蝦：我唔係佢係特別地用凍龍蝦加芝士俾我地，定係純粹未焗熱，就拎出黎俾我地。啲肉真係凍既，質素係700 蚊自助餐，可以任食凍盤既海鮮質素。芝士係有色，但識整野食既朋友都知道，可以係用火槍燒一燒就有甘既色水。
埋單一份268加一，除左外籍既哥哥比較貼心有理過下我地之外，其他店員真係冇理我地架…..
