杜記茶餐廳

营业中

休息中

午飯時間，身處上水有咩食好？喺石湖墟行一陣，見到橫街有間茶餐廳……杜記茶餐廳，被有歷史嘅門面吸引咗，門口顯示有圍村盆菜，入到去的確係有啲舊式味道，在木椅卡位坐下，張枱好特別，上面係玻璃，下面有一格空間要嚟放餐牌同餐具。咕嚕雞球飯，酸甜味配搭剛剛好，唔太甜 唔太酸，雞炸過係脆，粉有啲厚但唔過分，有好多件雞，菠蘿都似是新鮮的，午餐嚟講算有啲誠意。例湯紅蘿蔔白菜湯，夠晒火候，個湯好味，仲好過出面好多收費餐湯。凍奶茶夠香濃夠滑。午餐性價比高。