阿霞餛飩

营业中

休息中

今日早咗放工，終於得閒去深水埗逛下，順便睇吓啲電腦同零件。過年睇下出幾多花紅，都想買部快啲嘅電腦獎勵吓自己，依家部電腦打機好似窒住窒住有啲唔暢快。行行吓出到黎竟然落起雨嚟，天氣涼涼哋快咗肚餓，見到有間雲吞麵人少少即刻入去試吓。呢間雲吞麵舖有唔同種類嘅雲吞，小籠包，煎餃等等。林羅滿目，諗唔到食乜，叫咗一個蝦仁雲吞麵另外再叫多一碟清蒸餃子有6隻。雲吞雖然細細粒，但有咬口；麵底係上海幼麵；夠煙靭；碗麵個清湯有啲紫菜同蔥花，都幾好味。至於蒸餃要等20分鐘。皮同涵都一般，沒有驚喜。兩者比較蝦仁麵抵食啲。行過想食餃子都可以一試。