更多
2020-03-07
943 浏览
番工食车仔面食到闷,今日转下食饺子先。有汤饺同煎饺拣,汤饺饺子$38/8只,$42/10只,可选单拼或双拼,煎饺就贵两蚊。饺子款式多,共有八款口味选择。今次试椰菜冬菇云耳猪肉饺,同香芹芫茜猪肉饺。除左鲜鸡汤外,仲有我最钟意嘅番茄薯仔鱼汤添。下昼一点几叫外卖,等左6-7分钟就有了。啲饺子劲大只,每只都好足料,包得好实净,好包满。唔似其他饺子店得好少料,一咬落去会散晒。椰菜云耳同猪肉的比例啱啱好,不过略嫌少左啲冬菇味,如果多啲就更香喇。但云耳好爽口,令猪肉饺唔会太饱滞。芫茜控一定要拣香芹芫茜饺,个芫茜味好劲,越食越香。个汤有好多粒薯仔,如果有多啲番茄就真系perfect 喇。初时以为十只饺会唔够饱,但原来都几饱,因为啲饺大大只。下次要试晒其他款同试下面先。
有汤饺同煎饺拣,汤饺饺子$38/8只,$42/10只,可选单拼或双拼,煎饺就贵两蚊。饺子款式多,共有八款口味选择。今次试椰菜冬菇云耳猪肉饺,同香芹芫茜猪肉饺。除左鲜鸡汤外,仲有我最钟意嘅番茄薯仔鱼汤添。
下昼一点几叫外卖,等左6-7分钟就有了。
啲饺子劲大只,每只都好足料,包得好实净,好包满。唔似其他饺子店得好少料,一咬落去会散晒。椰菜云耳同猪肉的比例啱啱好,不过略嫌少左啲冬菇味,如果多啲就更香喇。但云耳好爽口,令猪肉饺唔会太饱滞。
芫茜控一定要拣香芹芫茜饺,个芫茜味好劲,越食越香。个汤有好多粒薯仔,如果有多啲番茄就真系perfect 喇。
初时以为十只饺会唔够饱,但原来都几饱,因为啲饺大大只。下次要试晒其他款同试下面先。
张贴